South Central Ventures инвестираше 500 000 фунти во македонско-британската компанија InPlayer

Македонија ја доби најголемата венчр инвестиција до сега. South Central Ventures инвестираше 500 000 фунти во InPlayer македонско-британската компанија. InPlayer е компанија која има развиено своја платформа за монетизација и им помага на многу светски компании во монетизирање на нивните дигитални содржини.

Во Скопје се наоѓа и топ менаџментот на тимот, оперативниот директор (COO) Ненад Чубриновски и техничкиот директор (CTO) Филип Димчевски, додека извршниот директор(CEO) Џорџ Мик (George Meek) и управниот одбор на компанијата е во Лондон.

InPlayer Македонија во моментов има 35 вработени и ги опслужува најголемите медиумски и софтверски компании во светот. Од нивното богато портфолио на клиенти, соработници и партнери се издвојуваат: FilmBox, Massive Interactive, Pageant Media, Livestream, Ooyala и ЈW Player.

Со оваа инвестиција се очекува до крајот на 2017 година, InPlayer да има 50 вработени а до крајот на 2018 година да има дополнителни 50 вработувања.

South Central Ventures e фонд за ризичен капитал кои инвестира во иновативни компании од Балканот кои развиваат технолошки решенија со голем потенцијал за раст. Во Македонија, South Central Ventures досега инвестираше во Letz и Cognism, a InPlayer е третата компанија од Македонија каде што инвестираше South Central Ventures.