Ангеловска: Ако купите електричен автомобил ќе платите помал данок, ако купите постара кола ќе платите висок данок
Неселективно системско решение се нуди со новиот закон за моторни возила што е во собраниска процедура, а кој треба да стапи на сила од 1 јануари 2020 година и кој воведува еколошка компонента која значи оние што загадуваат ќе плаќаат поголем данок.
Висината на данокот ќе се утврди со уредба што ќе се донесе по усвојување на законот, а ќе дефинира каде колку ќе биде данокот по вредност на возилото, а колку данок по загадување. Ова го истакна министерката за финансии Нина Ангеловска во одговор на прашање на денешната прес-конференција.
-Станува збор за комплетно нов закон, кој системски адресира одредено прашање, неселиктивно, односно зборуваме за закон на кој работеше Министерството за финансии и Царинската управа и кој треба да стапи во сила од 1 јануари. Првпат имаме ваков закон што воведува еколошка компоненета и кој вели оние што загадуваат помалку ќе плаќаат помал данок, оние што загадуваат повеќе ќе плаќаат поголем данок. Претходно тоа се нарекуваше акциза и беше регулирано во Законот за акциза и сега тоа повеќе не е таму регулирано имаме нов закон за моторни возила по примерот на развиените земји, рече минситерката за финансии на денешната прес-конференција во одговор на прашање.
Таа додаде дека е користен примерот на Хрватска каде се покажале значителни резултати со дестимулирање купување возила што загадуваат и според минстерката лесно ќе може по извесно време за шест месеци или година да се види како тоа влијаело во споредба со претходните години, дали се помалку се увезуваат возила што се поголеми загадувачи бидејќи, истакна, на крајот на денот тоа е целта.ж
Што ќе значи ова во пракса? Значи дека луѓето со најмали приходи што ќе сакаат да купат кола за неколку илјади евра највисок процент на данок ќе платат. Од друга страна тие што можат да си дозволат да купат електричен автомобил ќе платат најнизок данок.
