Општина Кочани продава градежни парцели на земјиште во државна сопственост

Општина Кочани го објави првиот оглас во тековната година за оттуѓување на градежно земјиште во државна сопственост, со кој преку јавно наддавање на продажба нуди 15 парцели.

Поради зголемениот интерес за изградба на приватни објекти за домување, 14 парцели се со намена за индивидуално домување, а само една е за објект за лесна индустрија.

Парцелите за индивидуално домување се наоѓаат во населбата Драчевик, на западната страна од градот, и се со површина од 177 до 470 квадратни метри. Градежната парцела за стопанска намена е на улицата „Украинска“ во зоната Лесна индустрија и има површина од околу 1.500 квадратни метри.

Почетната цена за сите парцели е 61 денар за квадратен метар, а минималниот праг за наддавањето е 10 денари.

Рокот за пријавување на заинтересираните купувачи за градежните парцели за индивидуално домување е до 24 април, а за парцелата за стопанска дејност до 8 мај.

error: Content is protected !!