Од што стравува Facebook

Facebook стравува поради еден за него вознемирувачки тренд- се помалку и помалку луѓе ги споделуваат работите од својот приватен живот на оваа социјална мрежа.

Луѓето и понатаму поставуваат нови содржини на своите Facebook профили, но се забележува пораст на оние кои поставуваат линкови кон други сајтови. Тоа се должи најверојатно на тоа што луѓето се поврзани, а колку повеќе расте бројот на пријатели на оваа социјална мрежа, толку повеќе сакаме да ја сочуваме нашата приватност.

Таа појава ги има многу уплашено првите луѓе на Facebook, што и дадоа и назив-“колапс на контекстот”. Односно појава каде се помалку и помалку луѓе ги споделуваат работите од својот приватен живот на оваа социјална мрежа и ги пренесуваат на новите и помали апликации како што се Snapchat или Instagram.

Спрема Bloomberg, првиот човек на Facebook, почнал со охрабрување на вработените да  пронајдат решение кое би го поттикнало “личното споделување”. Неколкуте нови измени на Facebook биле резултат токму на тоа охрабрување.

На пример, со измената “на денешен ден” се потсетувате на настани кои се случуле на истиот ден во изминатите години, и ги поттикнува луѓето да делат носталгични спомени. Facebook воведе и “потсетник” кои известува за датумите како што е денот на мајката за луѓето да споделуваат содржина.