Воведе 5 часовно работно време, а оваа година ќе заработи 9 милиони долари

Минатата година беа прогласени за најбрзо растечка приватна компанија во San Diego.

Stephan Aarstol сопственик на американската компанија “Tower Paddle Boards”, пред помалку од една година воведе 5 часовно работно време, за да можат работниците да си одат дома уште пред ручек.

“Мојата компанија се одлучи да работи на друг начин. Ние сме во бизнисот со продажба на “стоечки”даски за веслање, па скратеното работно време и слободните попладниња за вработените се совршен спој со нашиот бизнис.

Се одлучивме да воведеме 5 часовно работно време, од 8 часот наутро до 13 часот попладне. Бидејќи ручекот и така трае саат време, ние уствари го скративме работното време само за два саати. Нашите вработени НЕ СЕ платени помалку, јас и понатака од нив очекувам двојно поголема продуктивност од просечниот работник”, тврди Aarstol

Резултатите кажува тој, беа неверојатни.

Минатата година беа прогласени за најбрзо растечка приватна компанија во San Diego. Тимот од девет вработени, оваа година ќе оствари девет милиони долари приход, пишува Business Insider.