Mark Zuckerberg изгуби 3 милијарди долари во еден ден

Основачот на Facebook, Mark Zuckerberg изгуби 3 милијарди долари и тоа само во еден ден, Bloomberg пренесува дека ова е една од најголемите загуби што се случиле било кога за поединечен инвеститор во еден ден.

Акциите на Facebook паднаа за 6% откако главниот финансиски директор на компанијата David Wehner, ги предупреди инвеститорите дека компанијата очекува успорување на растот на приходите од огласување, бидејќи веќе нема толку простор на news feed-от за пласирање на огласи.

Mark Zuckerberg има 418 милиони акции од Facebook. Bloomberg проценува дека вкупното нето богатсво на Mark Zuckerberg е негде околу 52 милијарди долари, што го прави пети најбогат човек на светот, веднаш позади  Warren Buffett.

И покрај овој пад акциите на Facebook оваа година пораснаа за околу 15% и со тоа го зголемија неговото богатсво за 6,4 милијарди долари.