Heineken со безалкохолно пиво ја напаѓа Coca-Cola

Холандската пиварница смета дека пивото без алкохол за 10 до 15 години ќе стане глобален тренд.

Холандската пивара Heineken лансираше на пазарот безалкохолна верзија на своето пиво со намера да стане лидер во делот на пазарот кој расте побрзо од просекот.

“Heineken 0,0” е претставен во Барселона, а ќе се продава на 14 пазари и освен во Европа ќе се продава и во Русија и Израел. Тоа е целосно вртење од сегашната стратегијата на конкурентите кои безалкохолните пива ги продаваа на поединечни пазари. Heineken верува дека овој сегмет е иднината. Последните податоци покажуваат дека целиот пазар на пива помеѓу 2010 и 2015 година доживеало пад, во Европа побарувачката на безалкохолно пиво расте за 5% на годишно ниво.

“Можете да очекувате дека за 10 до 15 години ова ќе биде и глобален тренд. Сакаме да го направиме Heineken глобален бренд во сегментот од 0,0 промили”, изјави за холандските медиуми, Gianluca Di Tondo нивниот бренд директорот. Поради ниските трошоци поголеми се маржите на безалкохолното пиво, а произведувачите сметаат на преземање на дел од пазарот на газирани пијалоци чија потрошувачка и онака е во пад. Инаку Heineken 0,0 има двојно помалку калории од Coca Cola.