Continental co BMW и Intel влегува во проект за автономни возила

Continental објави со вторникот дека ќе се придружи на платформата за самоуправувани возила кои ја развивааат BMW, Intel и Mobileye, а германскиот произведувач на автомобилски делови и гуми ќе работи на интеграција на компонентите и софтверот.

Трошоците за интеграција на хардвер, софтвер и податоци како и забрзаното темпо на развој на самоуправувани возила поттикнаа се поголем број на сојузи помеѓу произведувачите на автомобили и добавувачите.

Continental е вториот најголем светски произведувач на делови за автомобилската индустрија, порача дека ќе игра клучна улога во комерцијализацијата на новата платформа, која ќе биде продадена и на другите произведувачи на автомобили.

“Можеме да се носиме со зголемените барања во подрачјето на автономното возење преку широка соработка на ниво на индустрија многу по сеопфатно, побрзо и со ниски трошоци отколку сами да влегуваме во проектите ” напиша извршниот директор на Continental, Elmar Degenhart во изјава што ја прати по електронска пошта.

Германскиот автомобилски гигант BMW уште минатата година ги здружи силите со американската технолошка компанија Intel и израелската компанија Mobileye, специјализирана за развој на системи базирани на визуелни податоци за подобрување на сигурноста на патиштата и избегнување на несреќи.

Започнувањето на производството се планира до 2021 година а американскиот произведувач на автомобилски делови истотака се придружи на заедничкиот проект.