ДЗС: За еден месец просечната нето-плата пораснала за 462 денара

Во октомври годинава просечната нето-плата изнесувала 24.817 денари, а бруто-платата 36.488 денари, соопшти Државниот завод за статистика.

Според пресметките, зголемување на платите во однос на претходниот месец има во секторите: рударство и вадење камен (5,1 отсто), административни и помошни услужни дејности (3,9 отсто) и други услужни дејности (3,8 отсто).

Минатиот месец просечната плата изнесувала 24.355 денари, што значи дека платата во октомври пораснала 462 денара.