Според проекциите од Министерството за финансии, 34.000 денари просечна плата што ја спомна Заев нема да има

По изјавата на приемиерот Зоран Заев, дека просечната плата во наредните четири години ќе достигне 34.000 денари, денеска реагираа од комисијата за економија на ВМРО-ДПМНЕ повикувајќи се на проекции од Министерството за финансии од  месец декември 2020 година.

-НА КОГО ДА ВЕРУВАМЕ? На ветувањето на Заев за просечна плата од 34.000 денари до крајот на мандатот или на проекциите на Министерството за финансии, прашаа преку Фејсбук од комисијата за економија на ВМРО-ДПМНЕ, повикувајќи се проекциите од Министерството за финасии.

-Согласно проекции на Министерството за финансии за растот на платите во наредните 4 години, дискутабилно е дали просечна плата ќе достигне ниво од 30.000 денари (ветување на СДСМ од 2016 година), а да не зборуваме за ветувањето за плати од 34.000 денари и просечна плата* од 20.000 денари.

Пресметка: Просечната нето-плата за 2020 година врз база на тенденциите во првите 11 месеци заклучно мецес ноември, ќе биде околу 27.000 денари.
Ако просечната нето-плата расте согласно проектираната динамика од страна на Министерството за финансии (3% во 2021, 3.5% во 2022, 3.9% во 2023 и 4.1% во 2024), тогаш би изнесувала:
2021 година – 27.810 денари
2022 година – 28.780 денари
2023 година – 29.900 денари
Јули 2024 година – 30.500 денари, стои во Фејсбук постот на комисијата за економија на ВМРО-ДПМНЕ.

*Најверојатно мислеле на минимална плата од 20.000 денари, а не на просечна плата.

Линк до фискалната стратегија на Министерството за финансии.

error: Content is protected !!