Thomas Ross тврди дека тој го измислил iPhone и го тужи Apple за 10 милијарди долари

Првиот iPhone излезе на пазарот во 2007 година. Но еден маж тврди дека тој го дизајнирал овој славен уред дури 15 години порано.

Thomas Ross од Флорида поднел тужба против Apple во која тврди дека iPhone e уствари негов изум кој го нарекол Electronic Reading Device.

Ross тврди дека помеѓу мај и септември 1992 година, го дизајнирал овој уред, а како доказ приложил и цртежи за уредот за кој тврди дека настанале во тој период.

Mac Rumours пренесува како Ross во ноември 1992 година поднел барање за патент за овој уред, но тој е одбиен во април 1995 година откако Ross не платил такса за одобрување на патентот.

Ross сега бара 10 милијарди долари и 1,5% од заработката од продажбата на iPhone.

Во тужбата наведува како неговиот уред е дизајниран дури 15 години пред појавувањето на првиот iPhone, а ги имал сите функции како iPhone. Но без разлика што првиот iPhone e лансиран дури 2007 година. Newton на Apple е пуштен на пазарот 1993 година, а работата на неговиот развој започнал 5-6 години порано, околу 1987 година.

Newton беше еден од првите уреди во улога на “личен асистент”. Работата и развојот на овој уред започнаa околу 1987 година, а цртежите на Ross многу потсетуваат на Newton, сепак мали се шансите дека судот ќе пресуди во корист на Ross.

Apple засега не го коментира овој случај.