InTech MeetUp #1 – Деклан Колфилд во Скопје

На 6 декември 2016 година во МКЦ Клуб Ресторан во 18:00 часот, ќе се одржи првиот InTech MeetUp. Овој пат ќе имаме прилика да го слушнеме Деклан Колфилд (Генерален партнер, Andurance Ventures LLP, со работно искуство во Apple, Intel, BBC и др.), Филип Димчевски (Потпретседател на Инженерскиот сектор, InPlayer) и Филип Николовски (Софтверски Инженер, InPlayer).

На овој двочасовен, бесплатен настан наменет пред сè за програмерската заедница, Деклан ќе зборува за Interplanetary File System (IPFS) ( https://ipfs.io/ ) и FormulaE (http://www.fiaformulae.com/en).
IPFS e p2p дистрибуиран систем за складирање и размена на датотеки, кој има за цел да ги поврзе сите компјутерски уреди. Тој е open-source (отворен код) систем, развиен од Protocol Labs со помош на онлајн заедницата.

Филип Димчевски и Филип Николовски ќе зборуваат за Microservices и Microservices communication with Message Queue. Микросервисите како модел се пристап за развивање на една апликација во вид на повеќе помали сервиси, кои работат во свој процес и комуницираат преку лесни механизми, најчесто преку HTTP.

Доколку сакате да дознаете нешто повеќе за овие технологии, Вашето место на овој настан може да го резервирате на http://intechmeetup.com/#prijava (местата се ограничени).

Замислата на InTech MeetUp е да има серија од неколку настани годишно кои има за цел да ги вмрежат програмерите и да нè запознаат со новостите во светот на технологијата, преку гостувања на говорници од странство и предавања на искусни програмери од ИТ секторот во Македонија.