Се зголемува бројот на станови под хипотека во Македонија

Регистарот на цени и закупнини што го води Агенцијата за катастар на недвижности на крајот на минатата година евидентира дека над 12 проценти од станбениот фонд во државата, или секој осми стан е под хипотека во банка, за разлика од крајот на 2018 година кога биле заложени над 11 проценти од становите низ државата.

Во катастарот во последното тримесечје од минатата година се впишани 1.089.253 станови во државата, од кои под хипотека се околу 136.000, односно 12,48 проценти. Во истиот период во 2018 година имало околу 18.000 станови помалку, а од нив под хипотека биле ставени околу 122.000 или 11,42 процента.

Град со најмногу станови под хипотека е Скопје, каде што секој петти е заложен во банка. Или, хипотека е ставена на околу 67 илјади станови, што се рекордни 20,87 проценти од скопскиот станбен фонд. Пред една година под хипотека биле 18,25 отсто од становите во главниот град, а тогаш најмногу хипотеки имало во Неготино, каде банките имале имотен лист на 18,57 проценти од становите.

error: Content is protected !!