Гувернерот на централната банка на Германија: Во есен рекордна инфлација, највисока во последните 70 години

Стапката на инфлација во Германија би можела да достигне двоцифрена вредност во есенските месеци, изјави Јоаким Нагел гувернерот на централната банка на земјата.

-Порастот на цените ќе продолжи да влијае на најголемата европска економија во наредните месеци. Додека се истакнуваат владините антиинфлациски мерки, како што се значителното даночно намалувања на бензинот и дизелот и стандардната цена од девет евра за повеќето железнички патувања, стапката на инфлација во Германија сепак би требало да се зголеми за добар процентен поен, рече Нагел за весникот Рајнише пост.

Сепак, владата планира да го намали данокот на додадена вредност (ДДВ) на гасот од 19 на 7%, со цел да им помогне на потрошувачите и да ги ублажи ефектите од дополнителната наплата за гасот, која треба да стапи на сила во октомври.

-Во есенските месеци севкупно можна е инфлација од десет проценти, прецизира Нагел.

Тој укажа на историските размери на потенцијалните двоцифрени стапки на инфлација во земјата, кои последен пат се забележани пред повеќе од 70 години кога во 1951 година инфлацијата достигна 11 проценти.

Порастот на цените ќе продолжи да влијае на најголемата европска економија во наредните месеци. Прашањето за инфлацијата нема да исчезне следната година, смета Нагел.

Нагел рече дека очекува стапката на инфлација во земјата да се намали на шест проценти следната година.