Македонија преговара да увезе работници од Пакистан, Иран, Ирак и од Авганистан?

Завчера од вицепремиерот Фатмир Битиќи стигна веста дека „годинава еднаш засекогаш ќе ја отвориме табу-темата дали во нашата држава може да увеземе работна сила за да се зголеми продуктивноста и конкурентноста на економијата“.

Работодавачите оваа вест ја примија со позитивна емоција, а претседателот на Бизнис-конфедерацијата Миле Бошков, во изјава за „Слободен печат“ рече дека тие веќе преговараат да донесат работници од Пакистан.

– Веќе разговараме да донесеме работници од Пакистан и има многу заинтересирани да работат во нашата земја. Ние, всушност, може да донесеме само работници од Пакистан, Иран, Ирак и од Авганистан. Во сите други земји има повисоки плати од нашите – вели Бошков.

Тој вели дека донесувањeто работници за потребите на нашиот бизнис не значи дека ќе се намалат платите.

– Не може да дојде до намалување на нашите плати, но за нас тоа ќе бидат вработувања на луѓе со поголем капацитет, па на тој начин тие ќе бидат поевтини – објаснува Бошков.

Macedonian Business Hub веќе ја објави веста дека Поради масовното иселување, Владата размислува за увоз на работна сила од странство.

148 thoughts on “Македонија преговара да увезе работници од Пакистан, Иран, Ирак и од Авганистан?”

Leave a Reply

Your email address will not be published. Required fields are marked *

error: Content is protected !!