Јапонски NIDEC отвори фабрика во Србија – инвестиција вредна 250 милиони евра

Јапонски NIDEC во четвртокот свечено ја отвори фабриката за погонски електромотори за возила, инвестиција вредна 250 милиони евра, Владата на Република Србија даде субвенција од 8,9 милиони евра. Во првата фаза ќе бидат вработени 250 работници, а во втора фаза 1.000 работници.

NIDEC е основан во 1973 година во градот Кјото, Јапонија, а денеска е светски лидер во производството на сите видови електромотори со најголем удел на светскиот пазар на мали вретено мотори.

Корпорацијата работи во повеќе од 40 земји, со околу 340 компании во групата и вработува повеќе од 120.000 луѓе низ целиот свет.

Инвестирањето во Србија е дел од долгорочната стратегија на компанијата, а отворањето на фабриката во Нови Сад е првиот чекор кон формирањето на европскиот индустриски парк NIDEC.

Со своето присуство во Србија, корпорацијата NIDEC создаде централна база на активности заснована на модерно технолошко производство на високофреквентни DC мотори без четкички и сродни производи за возила. Основната дејност на фабриката на NIDEC во Нови Сад се базира на производство и продажба на автомобилски мотори од овој тип, кои најмногу се продаваат на европскиот пазар.

Во рамките на воспоставувањето на синџирот на снабдување во Источна Европа и подготовките за работа на фабриката, започнат е избор на компании за производство на опрема, како и компании кои се занимаваат со оперативни работи, а на овој начин се придонесува за економска ревитализација и во Србија и во Источна Европа.